Patawad.

Patawad.

Patawad kung pinabayaan kang maiwan
at paulit-ulit na tapakan,
Patawad kung napadalas man ang iyong pagluha,
Hinayaan na sa bawat gabi’y maiwan kang tulala.

Patawad.

Patawarin mo sana ako kung ika’y nasaktan,
na ang tunay na pag-ibig ay hindi makamtan,
Pasensya kana kung kinakailangan mong sumugal —
Kinailangan pang itaya sarili mo’t dangal.

Patawad.

Patawad na sa kagustuhang makuha ang pag-ibig na tapat,
Hindi ko na namalayang ika’y nagsusugat.
Piniling yakapin matatamis na salita
Kasinungalinya’y hindi na inalintala.

Patawad.

Patawad kung hinayaan puso’y paglaruan,
Pinaubayang katawa’y pagsawaan.
Patawad, hindi ko na inisip iyong mararamdaman,
nagpatalo ako sa aking kahinaan.

Patawad.

Patawarin mo ako sa twing ika’y sinusukuan
Paulit ulit na sariling bait ay iniiwanan.
Patawarin mo ako, kung ika’y aking nabigo.
Sarili ko, ako’y patawarin mo.

Fight Song

Like a small boat
On the ocean
Sending big waves
Into motion
Like how a single word
Can make a heart open
I might only have one match
But I can make an explosion

This is my fight song
Take back my life song
Prove I’m alright song
My power’s turned on
Starting right now I’ll be strong (I’ll be strong)
I’ll play my fight song
And I don’t really care if nobody else believes
‘Cause I’ve still got a lot of fight left in me

Know I’ve still got a lot of fight left in me

To turn my back from the person  I love was the scariest and yet the bravest step I ever did. 

And this day would be remembered as the day I let my guard and walls down, letting myself be vulnerable for the last time and be honest for what I really feel. Always remember that I never gave up without fighting, i fought, I lose but I learned.

Pag-ibig sa likod ng mga letra

Pinto Art Museum 11.30.16

Hindi maiikubli ating pag-iibigan
At batid kong ikaw rin ay nahihirapan.
Ngunit hahayaan na lamang bang pakawalan
Kung tunay naman ating nararamdaman?

Bakit kailangang itago sa bawat titik at letra?
Bakit kailangang gamitan ng papel at pluma?
Bakit hindi kayang ipaglaban?
Dahil ba sa sasabihin sa atin ng iilan?

Ngunit kung ang pagmamahal ay hindi maipaglalaban,
At ang kwento natin ay hindi mapagbibigyan
Hayaan mo munang isulat kita ngayon at saka na lamang bitawan.

piping pag-ibig.

liwanag lamang ang saksi 04.01.17

Sigaw ng isang piping pagmamahal
Sa bawat hiningang malalim,
yabag ng mga paa na mula sa likuran
At haplos na hindi maiparamdam.

Ang pagtitig sa iyong buong kaanyuan
ang mapang-akit mong mga kilay,
nangungusap na mga mata
labi mong kay sarap lapatan.

Mainit na mga palad,
kapahingahan ang dulot ng iyong mga yakap
At ang pag dampi ng iyong mga labi,
sa akin ito’y nagbibigay ngiti.

Sa buwan ay tumingala
upang pigilan ang pagpatak ng luha,
nagsusumamong kumawala
sa iyong harapa’y gusto ng tumula.

Gusto kitang hawakan, at ‘di na muling pakawalan,
Nais ipahayag ang naguumapaw na pakiramdam
Ngunit sa gitna ng bulong ng mapaglarong isipan
Ngayong gabi, pinili nating mabalot sa katahimikan.

where unspoken words are written —